ALBISTEAK

Nahi duen guziak parte hartu ahal izanen du lehiaketan, eta nahi hainbertze lan aurkeztu ahal izanen ditu.
Azalak Berako besta giroa islatuko du.
Azalean Berako Sanesteban Bestak 2008 testua agertu beharko da nahitaez eta ez du bertzelako testurik eramanen.
Formatua: Argazkia edo kartela kolorezkoa izanen da, ez da diapositibarik onartuko, paperean aurkeztuko da, eta bertikala izanen da, 18x24 zentimetrokoa. Argazkia edo diseinua ez da inongo euskarriren gainean paratuko. Ahal den neurrian aurkeztutako lanak Cd-an edo disketean ere eranstea eskertuko da.
Aurkezteko epea eta lekua: lanak 2008ko maiatzaren 16rako (ortzirala) eguerdiko 13:30ak baino lehen aurkeztu beharko dira Herriko Etxeko Bulegoetan.
Aurkeztutako lanaren gibelean goitizen bat baino ez da paratuko, eta aparteko gutun-azal batean erantsiko dira egilearen datuak, kanpoko aldean goitizena paratuz. Gutun-azalaren barrenean honako datuak agertu beharko dira: izen-abizenak, helbidea, telefonoa eta posta elektronikoa.
Epaimahaia Berako Kultur Batzordeak izendatuko du.
Lehiaketaren erabakia bakarra izanen da eta ezin izanen da inola ere helegiterik paratu.
Lanak ez dira itzuliko. Sarituak izan ez diren lanak Udalak Bestetako programan erabiltzeko eskubidea bere egiten du, betiere egilea nor den adieraziz.
Saria: Sari bakarra izanen da, 400 eurokoa.
Lehiaketan parte hartzeak oinarri hauek guziak onartzea dakar berarekin, nahitaez.